Ewan McGregor | |
---|---|
![]() McGregor tydens die Cannes Filmfees in 2012 | |
Gebore | Ewan Gordon McGregor 31 Maart 1971 Perth, Scotland |
Nasionaliteit | Brits, Amerikaans |
Beroep | Akteur |
Jare aktief | 1993–teenswoordig |
Eggenoot | Eve Mavrakis (trou 1995; egskeiding. 2020) |
Kinders | 4 |
Ewan Gordon McGregor (Engelse fonetiese uitspraak:ˈ|j|uː|ə|n) (gebore op 31 Maart 1971) is 'n Skots-Amerikaanse akteur wat reeds in verskeie rolprente gespeel het. Sy eerste professionele rol was in 1993 met die hoofrol in die Britse Kanaal 4 reeks Lipstick on Your Collar. Hy het ook die rol gespeel van die heroïenverslaafde Mark Renton in die dramafilms Trainspotting (1996) en T2 Trainspotting (2017), Obi-Wan Kenobi in die Star Wars prequel trilogy (1999–2005), die digter Christian in die musikale film Moulin Rouge! (2001), die jong Edward Bloom in Big Fish (2003), Rodney Copperbottom in Robots (2005), Camerlengo Vader Patrick McKenna in Angels & Demons (2009), "the ghost" in Roman Polanski se politiese riller The Ghost Writer (2010), Dr. Alfred Jones in die romantiese komedie-drama Salmon Fishing in the Yemen (2011), Lumière in die Disney verwerking van Skoonheid en die Ondier (2017), die titelkarakter (volwasse weergawe) Christopher Robin in die fantasie komedie-drama Christopher Robin (2018), die volwasse weergawe van Dan Torrance in die rillerfilm Doctor Sleep (2019), en die karakter Black Mask in die DC Extended Universe superheld film Birds of Prey (2020).
In 2018 wen McGregor 'n Golden Globe-toekenning vir Beste Akteur – Minireeks of Televisiefilm – vir sy rol in die TV-reeks Fargo. Hy ontvang ook Golden Globe benoemings vir Beste Akteur (musikale film of komedie) vir beide Moulin Rouge! en Salmon Fishing in the Yemen. McGregor het ook gespeel in teaterproduksies van Guys and Dolls (2005–2007) en Othello (2007–2008). Hy is in 1997 gelys as nommer 36 op die tydskrif Empire se lys van "Die Top 100 Filmsterre van Alle Tyd".[1]
© MMXXIII Rich X Search. We shall prevail. All rights reserved. Rich X Search